Bajet 2023 : Senutuk enggau juluk negapka baru ekonomi menua  

Spread the love

KUCHING, 27 Feb: Kaban Kunsil Nengeri (ADUN) Kalaka Mohd Duri madah agih Bajet 2023 ke baru udah dibantaika Menteri Besai Datuk Seri Anwar Ibrahim apin lama endang senutuk enggau ikas pemisi ekonomi menua.

Ku iya, Perintah Penyerakup tauka dikumbai Malaysia Madani diatu endang bekenanas deka negapka baru ekonomi menua pengudah ke balat tebunsa ketegal utang perintah ke sebedau tu enggau empas pandemik Covid-19.

“Ari perati penuh bajet Malaysia Madani tu nyaran ngagai belanja ngatur menua nyadi tebal agi agih belanja dibagi baru dikena ngaduka sistem enggau penanggul rayat.

“Aku ngasaika bajet tu senutuk laban kitai baru aja pansut ari empas pandemik Covid-19,” ku iya.

Iya mansutka penemu nya maya Pengerami Apresiasi Opis Pelajar Pelilih (PPD) Saratok diatur ba sebengkah hotel tebilang ditu, apin lama ke udah.

Ungkup penemu, Datuk Seri Anwar ke mega Menteri Pekara Wang maya mantaika bajet ba Parlimen madahka sepenyampau RM388.1 billion udah diungkupka lalu ari semua penyampau agih nya, RM289.1 billion deka dikena dibagi dikena ngatur menua sereta RM99.0 billion agi deka diagih ngagai turu maya tasah.-TVS

 


Join our social media channel to get our news Alerts and highlights.

Leave a Reply

Your email address will not be published.