MA63 pekara besai ke mesti diputar lengkas

Spread the love

KUCHING, 20 Jan: Menteri Besai Datuk Seri Anwar Ibrahim ngelempaika peminta Sabah enggau Sarawak ngagai Sempekat Malaysia 1963 (MA63) nyadi pekara besai ke mesti diputarka enggau lengkas.

Ba penemu iya, pekara ke udah dipekat dalam sempekat nya patut dititih, pia mega enggau peminta Sarawak, Sabah bekaul enggau hak ke dikelaung patut dipulaika baru.

“Aku bepanggai ngagai prinsip (penemu) tu. Aku ngasai nengah peluang ke udah diberi ngagai aku, patut amat endur kitai berubah amat-amat ukai semina jaku politik, tang mesti ngamatka tanggungpengawa ke dipangku,” ku iya.

Iya mansutka pekara nya maya Pengerami Makai Lemai Nengeri begulai enggau Menteri Besai ba Palan Aum Borneo Kuching ditu malam tadi ke bela digulu Premier Sarawak Datuk Patinggi Tan Sri Abang Johari Tun Openg enggau Sapit Menteri Besai Datuk Seri Fadillah Yusof.

Anwar mega madah, Malaysia endang sebuah menua Perintah Besai enggau semangat penyerakup ke tusah diulih nyema ati rayat rajai.

“Pengawa tuai iya nya ngubat enggau ukai nambahka telih nya laban nya diperati aku pengawa tu (mutarka peminta MA63) baka bejalaika siti tanggungpengawa.

“Aku pan ngasai maya ninga sebana Sarawak enggau Sabah tauka raban minoriti ti ngasaika sida nadai ngasaika ba arus pemansang menua. Tu pekara ke enda patut, nyadi patut diubat (penyadi tu),” ku iya.– TVS

 

Tags: #ib, #ma63

Join our social media channel to get our news Alerts and highlights.

Leave a Reply

Your email address will not be published.