Penuduk TPM ungkup BN enggau GPS – Anwar

Spread the love

KAJANG, 24 Nov: Datuk Seri Anwar Ibrahim madah, penuduk Sapit Menteri Besai (TPM) deka diberi dulu ngagai Barisan Nasional (BN) enggau Gabungan Parti Sarawak (GPS).

Menteri Besai madah, tu beduduk ari diatu BN enggau GPS endang parti komponen kedua enggau ketiga pemadu besai dalam perintah beserakup ke diiring iya.

“Enti Menteri Besai ari Pakatan Harapan, nyadi manah penuduk TPM diberi ngagai dua komponen pemadu besai enggau di Borneo maya diatu iya nya Sarawak nyadi (komponen) pemadu besai,”ku iya maya aum pemberita ke diatur, Hari Empat.

Ngelansa pasal GPS, Anwar dulu meri jaku basa ngagai Chairman  GPS, Datuk Patinggi Tan Sri Abang Johari Tun Openg laban udah meri komitmen deka begulai dalam perintah beserakup.

“Aku betelefon ngagai bakih aku, Datuk Abang Johari enggau ngenuku ke sida begulai dalam perintah beserakup,” ku iya.-TVS

 


Join our social media channel to get our news Alerts and highlights.

Leave a Reply

Your email address will not be published.