PRU-15 : Lemai Hari Enam tu disadang ujan, pengundi dilalau nurun tumu

Spread the love

KUCHING, 17 Nov: Mensia mayuh dilalau tumu nurun ngundi kena Hari Enam tu laban gaya hari mua ke pagi aja manah lalu mua ke lemai gaya hari disadang ujan sereta ribut kudi, ku Direktor Kanan Palan Instrumentasyen Meteorologi enggau Sains Atmosfera, Opis Meteorologi Malaysia, Ambun Dindang.

“Gaya hari ba menua Sarawak kelebih agi ba menua kitai di Sarawak iya nya gaya hari dipelabaka manah ba mua ka pagi (19 Nov) tang taja pia ba kandang menua tebing tasik enggau ba menua Utara Sarawak dipelabaka mambam, gaya hari  disadang ujan mua ka pagi kelebih agi ba Mukah, Bintulu, Tanjung Manis, enggau Miri.”

“Gaya hari mua ke pagi ba kandang menua ke bukai baka di Lawas, Limbang, enggau Baram dijangka mamban tauka ujan. Mua ka lemai gaya hari kitai enda manah ba Sarawak lalu ujan dijangka deka nyadi ba semua kandang endur. Ribut kudi mega deka nyadi ba menua pesisir, tunga Utara Sarawak,” ku iya maya dirandau pemberita TVS lemai tadi.

Nangkanka nya ku Ambun, mensia mayuh dilalau bejimat lebuh nurun ngundi laban diatu endang musin ujan tauka landas. Taja ujan enda tentu bangat laban ai sungai udah dalam, tanah udah basah taja enda mayuh ujan tang pekara tu deka ngasuh bah tunggal nyadi ba kandang tebing sungai.

“Ungkup sida ti nurun ngundi ngena perau, sida dikearapka beratika ai sungai laban ai deka deras maya diatu lalu ungkup sida ke ngena jalai darat sida mega patut beratika jalai-jalai tisi bukit laban musin landas ke diatu deka ngujungka tanah tusur enti nyema hari berunggu ujan,”ku iya.

Kelimpah ari nya, Ambun mega madahka Opis Meteorologi udah mansutka jaku gerah, iya nya ujan bangat disadang nyadi nyentuk pagila (18 November 2022) nyerangkung di menua pesisir baka Kapit, Belaga, Miri, Bekenu, Telang Usan enggau Marudi sereta di selampur menua Limbang.

Ambun ngarapka mensia mayuh udah nemu palan alai sida ngundi lalu mai kad pengelala tauka tingki diri empu ngambika pengawa muai undi ulih dipejalaika enggau lanchar. – TVS

Tags: #ib

Join our social media channel to get our news Alerts and highlights.

Leave a Reply

Your email address will not be published.