Bisi 8,050 iku raban polis ngundi tumu sehari tu

Spread the love

KUCHING, 15 Nov: Bisi 8,050 iku pegawai enggau raban polis di Sarawak bejalaika tanggungpengawa muai undi tumu sehari tu, bepelasarka  Akta Pemilih ke udah dibantaika Komiti Pengawa Bepilih Besai (SPR) Sarawak ungkup Pengawa Bepilih Besai Ke-15 (PRU-15).

Kepala Polis Sarawak, Datuk Mohd Azman Ahmad Sapri madah, iya enggau  82 peratus raban polis nyengkaum Pegawai Kanan enggau Pegawai Baruh Polis nyengkaum laki tauka bini Pegawai Polis Kanan enggau Pegawai Baruh Polis Pasukan Gerakan Am (PGA) sepenyampau 412 iku.

“Ungkup Palan Ngundi Tumu Petra Jaya, bisi empat endur disediaka lalu penyampau pengundi ti deka ngundi tumu ditu sehari tu iya nya 830 iku  Pegawai Kanan enggau Pegawai Baruh Polis.

“Naka pukul 8:42 pagi tadi, penyampau pengundi tumu iya nya 82 iku lalu proses muai undi tu diaur nyentuk pukul 5 lemai, “ ku iya maya ngabas pengawa muai undi ba Dewan MES Pegawai Kanan IPK Sarawak.

Bela datai Sapit Kepala Polis Sarawak, Datuk Mancha Ata ti bejalaika pengawa ngundi tumu lalu chalun Gabungan Parti Sarawak (GPS), Dato Sri Fadillah Yusof dipeda bisi datai ngabas palan muai undi nya.

Kenu ku iya, penyampau kaban polis ke gawa sehari tu ba selampur Sarawak iya nya urung 3,417 iku tauka 34.77 peratus,

“Ungkup penemu, Pegawai Kanan enggau Pegawai Pangkat Baruh tu gawa nyadi Pegawai Matau Penyalah maya pengawa bepilih besai enggau mega nyaga 55 buah palan ngundi tumu sereta nyaga 103 endur ngundi tumu,” ku iya.

Berebak enggau nya, iya madah sepenyampau 1,821 kaban tauka 21.03 peratus raban PDRM Sarawak udah bejalaika pengawa ngundi tumu lalu pengawa nya udah berengkah kenyau tembu hari ngantung nama kena 5 November tu tadi. -TVS

Tags: #ib, #polis

Join our social media channel to get our news Alerts and highlights.

Leave a Reply

Your email address will not be published.