Ulah ‘katak’ ngasuh asa, ringat enda nyadi chalun lalu betukar parti

Spread the love

KUCHING, 10 Nov: Ulah sekeda kaban parti politik ke ngayanka pengeringat lalu betukar parti lebuh enda kena pilih nyadi chalun ba Pengawa Bepilih Besai Ke-15 (PRU-15) kebendar enda sedar diri.

Menteri ba Opis Menteri Besai (Parlimen enggau Undang-undang), Dato Sri Wan Junaidi madah enti nitih sida patut nerima pemutus ke udah digaga parti taja nya enda nguntungka sida.

“Beratika nama pekara ke nyadi ba Semenanjung Malaysia, aku asa laban tu kebendar mandangka ulah sida ti nadai penaluk ngagai parti.

“Nyema pindah ari parti A ke parti B, nyangka sida deka ringat baru dudi hari?

“Baka ni orang deka arapka parti kitai,” ku iya.

Iya madah munyi nya ngagai media pengudah mantu chalun Parti Sarawak (GPS) di Parlimen Santubong, Dato Sri Nancy Shukri bekimpin nyerumba PRU15 ba Kampung Senari ditu, pagi tadi.

Wan Junaidi madah pemujur enggau status ke dijapai diatu endang asil ari utai ke udah digaga parti sida.

Nya alai, taja nadai agi nyadi kaban Parlimen Santubong, iya ngaga pemutus terus nyukung enggau mantu Dato Sri Nancy Shukri ngambi terus bekimpin ungkup PRU-15 tu.

Semangat penaluk ke parti mesti bisi ba diri empu lalu ketuai mesti bisi dikena negap enggau ngeringka penuduk parti.

“Aku nyadi kaban parti ti taluk tetap nyukung chalun ke dipilih parti. Baka nya mih semangat sayauka parti,” ku iya. -TVS

Tags: #ib

Join our social media channel to get our news Alerts and highlights.

Leave a Reply

Your email address will not be published.