Aku deka bebendar gawa nyema dipilih nyadi MP – Clarence Ting

Spread the love

SIBU, 9 Nov: ‘Aku deka bebendar gawa nyema dipilih nyadi Kaban Parlimen (MP), nya lebih mar dibanding gawa nyadi Chairman Kaunsil Mengeri Sibu (SMC),” ku Clarence Ting Ing Horh.

Chalun Gabungan Parti Sarawak (GPS) Sibu nya madah diri seruran berunding enggau dalam pasal tanggungpengawa ke patut digaga iya sebedau nyanggup diri dipilih nyadi chalun.

Berebak enggau nya, iya ningkah penemu ti nyebut iya kena pejal nyadi chalun GPS ba penuduk Parlimen Sibu ungkup Pengawa Bepilih Besai Ke-15 (PRU-15).

Iya mega madah, tanggungpengawa nyadi MP pengawa besai ke patut disan orang ke mayuh penemu, nya alai iya sanggup ngesan tanggungpengawa nya ke pemaik rayat ba sitak nya.

Clarence mansutka pekara nya ngagai raban pemberita pengudah ngulu Program Randau Skim Jali Rumah Panjai HDC 2022 ditu kemari.

Nangkan ke nya, iya nesau pengundi ba Parlimen Sibu terus milih iya ngambika langgur pemansang ke udah digaga ungkup pemansang Parlimen Sibu ulih dikemujur.

Ba PRU-15 ti deka diatur kena 19 November tu, Clarence deka besatup enggau dua iku agi chalun iya nya Dato Sri Wong Soon Koh ari PSB enggau Oscar Ling ari DAP. -TVS


Join our social media channel to get our news Alerts and highlights.

Leave a Reply

Your email address will not be published.