Program pemesai begulai enggau rayat diatur di Rumah Julie Mangkat

Spread the love

SARATOK , 22 Sept : Program pemesai begulai enggau rayat ulih nyadi pelantar dikena beratika penanggul sereta peminta rayat dalam sesebengkah kandang endur tauka komuniti.

Kaban Kunsil Negeri (ADUN) Krian, Friday Belik madahka nengah program tu, aum enggau chara bagi mutarka penanggul rayat ulih diatur enggau komprehensif sereta sechara berenggat.

Kaban Kunsil Nengeri (ADUN) Krian madahka program nya mega meri peluang ngambika iya meretika agi tetiap penanggul ti ditapi rayat enggau efektif enggau enda ngulihka penerang ari orang tengah.

“Nya alai ari aku ke meda enggau mata aku empu penanggul penusah nama sebana ti deka dikenataika kita utai nya tadi meri peluang ngagai aku lalu beratika baka ni kitai ulih mutarka penusah penanggul nya tadi enggau lengkas lalu sama-sama berunding enggau kita serumah enggau bala JKKK nama atur ti patut dikena kitai mutarka penanggul”, ku iya madah.

Nangkan ke nya Friday madahka kenyau dichiri nyadi Kaban Kunsil Nengeri (ADUN) Krian, iya senaka ulih mantu peranak di rumah panjai di sitak iya mutarka penanggul sida.

Ku iya madah , peranak ti diau di sitak nya ngerandakka pemansang nya alai iya senaka ulih deka nyapai juluk tauka peminta rayat di sitak iya.

“Berindik ari aku ke nemu berindik ari aku ke meda utai ke disebanaka kita aku nya tadi ulih melin tauka ngelangkar pelin lalu berandau enggau ejensi Perintah tauka Opis Perintah ti bekaul ngambika ulih nyaup aku mantu mutarka penanggul sida”, ku iya madah lebuh bejaku ba pengerami pemesai begulai enggau rayat.

Kelimpah ari nya ba pengerami ke sama Friday mega bejadika Biro Orang Indu Rumah Julie Mangkat di Lempa Tengah, Kabo, Saratok.

Ba pengerami nya mega Friday madahka ungkup penyampau RM200 ribu deka diberi nengah ungkup RTP 2023 dikena ngangkat manah rumah ngagau Komiti Pengelikun Enggau Pemansang Genturung Pendiau (JKKK) Rumah Julie Mangkat sereta cek penyampau RM4 ribu ngagai Biro Orang Indu di rumah panjai nya. – TVS

 

Tags: #ib #iban

Join our social media channel to get our news Alerts and highlights.

Leave a Reply

Your email address will not be published.