Ragad Foundation chakah mantu komuniti

Spread the love

KUCHING, 19 Ogos: Sebuah yayasan iya nya Ragad Foundation ti direjister Toh Puan Datuk Patinggi Raghad Kurdi Taib chakah mantu komuniti nengah mayuh macham program enggau kimpin.

Ku Tuai Program & Kimpin Ragad Foundation, Lilaruzaini Hussain madahka, kimpin ti dipejalaika Ragad Foundation mai tuju dikena ngelempungka tating raban ke bekaul seriris enggau juluk penumbuh nya ti ngemeratka pengelantang idup rayat Sarawak.

Ku iya madah, yayasan tu mekuhka ngagai tiga batang pekara iya nya sukut pelajar, pengerai enggau ekonomi ti dikumbai 3EHE.

“ Ragad Foundation mekuhka ngagai 3ehe iya nya mekuhka ngagai sukut pelajar, pengerai enggau ekonomi laban ba penemu aku tiga perkara tu beguna amat ke pengelantang komuniti di Sarawak enggu ba dini-dini alai.

“Dikena nentuka kitai ulih nyapai 3EHE tu kami udah bejalaika sekeda kimpin ke alai kimpin keterubah digaga iya nya ‘Kamek Prihatin,” ku iya.

Ragad Foundation udah ditumbuhka lebih dua taun ke udah lalu udah mayuh bejalaika aktiviti enggau program ti meri bantu ngagai komuniti di nengeri tu.

Ku iya madah, Ragad Foundation mega bisi meri bantu bakul pemakai ngagai raban ti tekeruga ketegal pandemik Covid-19 sebedau.

Antara raban ti bisi nerima bantu tu iya nya sida ke sakit kena Covid-19, raban ke tasah penusah ngenyit enggau raban ke kurang penatai pemisi.

Kelimpah ari nya, tuju penumbuh yayasan nya mega ungkup pemansang pelajar lebih agi nembiak di menua pesisir.

Iya mansutka jaku nya rambau ba program Sejahtera Asia lebuh hari lima.

 

 

 

 

 


Join our social media channel to get our news Alerts and highlights.

Leave a Reply

Your email address will not be published.