Daeloniel Mcdelon siku orang ti bedisiplin – Major Sapok Biki

Spread the love

KUCHING, 15 Julai; Peninju anak Sarawak, Daeloniel Mcdelon siku orang ti disiplin sereta ngembuan pengeransing ti tinggi deka nyapai pemujur ba bidang lumba tinju nyengkaum maya belatih.

Ku Major Sapok Biki ke mega jurulatih Daeloniel ngembuan pengarap ti tinggi ngagai iya neruska penyulut nya ngagai renggat Lumba SEA, Komanwel enggau Olimpik dudi hari ila.

“ Aku ngarapka iya ulih neruska latih, nyaga disiplin enda ninggi diri sereta ningaka jaku ajar ari kaban enggau jurulatih.

“Peneleba ke bisi ba aku nya deka dikunsi enggau iya seraya ngajar, meri penemu laban iya ngembuan potensi ke besai ba Sarawak enggau Malaysia diatu,” ku iya.

Iya mansutka jaku nya Rambau ba Program Sejahtera Asia TVS lebuh Hari Lima.

Nangkanka nya, Mejor Sapok Biki kala ngemegahka nama Malaysia lebuh menang bulih midul emas keterubah dalam sejarah lumba tinju Malaysia ba Lumba Komanwel Kuala Lumpur 1998.

Ngelansa pasal gela ‘Kilat Boy’, Daeloniel madahka iya diberi gela nya ketegal ari pengelaju enggau penyikar jari iya maya ngelaban peninju ke bukai .

“ Aku dikelala nyadi ‘Kilat Boy’ ke maya nya aku benung belatih enggau betanding. Ari nya orang meda pengelaju aku nguna jari ngujungka aku dikumbai ‘Kilat Boy,’ ku iya.

Sebedau tu, Daeloniel udah ngemegahka nama Malaysia pengudah begelar champion ba Pekit Tinju Profesional Pakistan, bedau lama ke udah.

 

 


Join our social media channel to get our news Alerts and highlights.

Leave a Reply

Your email address will not be published.