Empat blok Rumah Panjai Uma Sambop angus lengis dalam timpuh 15 minit

Spread the love

 

KUCHING, 12 Julai: Bisi empat blok Rumah Panjai Uma Sambop di Long Semutut, Belaga angus lengis dalam timpuh 15 minit, lemai tadi.

Ku Jurujaku Palan Gerakan Operasyen Bomba Negeri Sarawak madahka, sida nerima kangau ngenyit sentang penusah nya urung pukul 3.31 lemai.

“Empat iku raban bomba ari Balai Bomba enggau Penyelamat (BBP) Belaga udah dikerah ngesah penusah nya ngena sebuah lori bejalaika pengawa nyelamat enggau madamka api,” ku dalam siti penerang media.

Nitihka penerang, penyauh pejalai ari balai bomba ke rumah panjai Uma Sambop iya nya dalam satu jam tiga puluh minit ti nguna jalai darat.

Kebuah enggau anggar pengerugi agi ditasat. -TVS

 

Tags: #iban

Join our social media channel to get our news Alerts and highlights.

Leave a Reply

Your email address will not be published.