‘Flyover’ Batu 6 enggau Batu 7 napi pengelaun ketegal bitumen ambis stok

Spread the love

KUCHING, 7 Julai : Projek ‘flyover’ Batu 6 enggau Batu 7 napi pengelaun ketegal ari bitumen tauka barang ke diguna ungkup projek jalai abis stok.

Pekara nya dipadahka Unit Jalai Besai Pan Borneo Opis Kereja Raya (JKR) Sarawak dalam siti penerang, lebuh Hari Empat.

Nitihka penerang nya, bekal bitumen di Kuching ambis kenyau ari bulan enam nyin tadi.

Berindik ari nya, kedua-dua projek flyover batu 6 enggau batu 7 tetangguh ketegal nya.

“Pemekal bitumen di Kuching abis stok berindik ari pengawa nganjung bekal bitumen ari Singapura napi pengelaun.”ku penerang nya.

Tambah mega, bekal bitumen ke bisi diatu nadai mayuh laban nerima peminta ari kunteriktor projek ke bukai.

Kelimpah ari nya, siti Terminal Minyak Bebas (IOT) di Sejingkat udah rusak ba bulan siti nyin kemari.

Taja napi penanggul kurang bekal bitumen, kunteritor naka ulih nembuka projek jalai dua lurung batu 7 kena 17 Julai enggau muka semua lurung nya kena 25 Julai tu ila.

Nangkanka nya, dua lurung ba flyover Batu 6 disadang deka dibuka ngagai mensia mayuh kena 15 Julai tu lalu lurung ke bukai ba bulan Ogos tu.

Tags: #iban, #jkr

Join our social media channel to get our news Alerts and highlights.

Leave a Reply

Your email address will not be published.