Projek SAWAS dipejalaika di Banting Lingga ujung taun 2022

Spread the love


KUCHING, 20 Mei: Peranak di Banting, Lingga deka bulih bekal ai beresi nengah Program (Sarawak Alternative Water Supply (SAWAS) enda lama agi.

Ku Sapit Menteri Utiliti Enggau Telekomunikasyen, Datuk Dr Abdul Rahman Junaidi madah, Program SAWAS ti ngaul kandang endur Banting, Lingga nya benung ba renggat berundingka tinda sereta dijangka dipejalaika ujung taun tu.

“Dijangka 268 iti ruang bilik deka bulih pemaik ari program SAWAS di Banting, Lingga Bukit Begunan.

“Tu nyengkaum pengawa nyeruri tekat ai ke bisi diatu, masang paip ai ke baru, enggau ngaga tangki ai lalu ungkus belanja kena ngaga tu iya nya kira-kira RM10 juta,” ku iya madah.

Iya bejaku munyi nya lebuh nyaut tanya Kaban Kunsil Bukit Begunan Datuk Mong Dagang ke deka nemu status projek bekal ai ba baruh SAWAS ungkup pelilih Banting Lingga.//

Mong Dagang mega nanya senentang penyampau peranak ke bulih pemaik ari projek tu di pelilih nya.

Ku Abdul Rahman Junaidi madah agi, bisi 11 buah rumah panjai deka bulih pemaik ari projek tu di pelilih Lingga iya nya Kampung Chabu Ulu Banting, Kampung Chabu Ili Banting, Kampung Tanjung Punggu Banting, Kampung Batu Tembang Banting, Kampung Bunga Raya Banting Tengah, Kampung Dampa Padang Banting, Kampung Nansang Ulu Banting, Kampung Nansang Ili Banting, Kampung Banting Ili, Kampung Teluk Mulong banting enggau Rumah Baya Anak Rajau Banting.

Tags: #iban

Join our social media channel to get our news Alerts and highlights.

Leave a Reply

Your email address will not be published.