Pra Gawai Dayak ngerapitka kaul raban parti SUPP

Spread the love

KUCHING, 9 Mei: Pengerami Pra Gawai Dayak Taun 2022 siti ari pelasar dikena ngerapitka agi kaul entara raban Parti Seati Rayat Sarawak (SUPP) seraya ngerami hari besai bansa Dayak.

Pengerami tu diatur Parti SUPP Bumi Unit Pampang Bintulu udah dipenyadika Sapit Menteri Pengerai Mensia Mayuh, Pengawa Berumah enggau Kaunsil Kandang Menua, Micheal Tiang Ming Tee Di Bintulu, empai lama ke udah.

Menteri Muda Pelajar, Inovasyen Enggau Pemansang Pengelandik , Datuk Francis Harden Hollis madah, penegap parti ulih dipeda ari penyampau raban parti ti bebendar matak kaul rayat lebih agi rbak biak ti nyadi tuai dudi hari ila.

Iya mega gaga ulih begempuru ngerami pra gawai pengudah dua taun udah enda ngatur gawai ketegal pandemik Covid-19.

Ku iya madah, pengerami nya pengepun dalam ngatur pengerami besai ke bukai dudi hari ila.

“Tang SOP agi dititih laban nya udah sebagi ari norma baru pengidup kitai,”ku iya dalam siti penerang.

Iya ke mega Kaban Kunsil Nengeri (ADUN) Simanggang meransang mensia mayuh nguna manah peluang ke bisi begulai enggau diri sebili.

Sebedau tu, Opis Menteri Pengerai Malaysia (KKM) udah nenduka SOP berindik ari menua ngalih ngagai renggat endemik lalu aktiviti chara fizikal mega udah dikemendarka.

Beserimbai enggau pengerami pra gawai tu, bisi diselitka aktiviti ngetas ranyai sereta diperindang penanyi tebilang Iban, Sima Tawil .

Tags: #ib

Join our social media channel to get our news Alerts and highlights.

Leave a Reply

Your email address will not be published.