Bejejaga enggau ejen gawa ti meri gaji besai

Spread the love

KUCHING, 6 Mei: Mensia mayuh dilalau seruran bejejaga enggau ejen gawa ti besemayaka deka meri gaji besai di menua luar.

Ku Kaban Kunsil Nengeri (ADUN) Batu Kitang, Lo Khere Chiang madahka, tuju tu dikena nyeliahka ari ditipu lebih agi ngagai raban nembiak Sarawak.

Ku iya madah, raban nembiak patut berunding dulu enggau apai indai sida sebedau ngaga sebarang pemutus nyereta sebarang ejensi ti meri kereja.

Tu laban ku iya, sebedau tu bisi nyadi kes enam ruang bilik ditipu ejen ti madahka kereja di Kemboja begaji besai.

Berebak enggau nya, apai indai dipinta ngelalau anak sida enda ngiga duit enggau chara ti muntang.

Ba awak ke sama, iya berasai sinu ngenang sekeda peranak ba baruh konstitusyen iya bisi kena tipu bekaul enggau pekara nya.

Tags: #ib

Join our social media channel to get our news Alerts and highlights.

Leave a Reply

Your email address will not be published.