Rejister tikah enggau sah ngambika anak bisi status peranak menua

Spread the love

KUCHING, 18 April: Pengawa ngerejister tikah patut nitihka prosedur ti sah baka ke udah disaran Opis Rejister Menua Malaysia (JPN) nyengkaum sida ti jadi melaki bini ke enda sah.

Menteri Pemansang Orang Indu, Nembiak Mit Enggau Pengelantang Komuniti Sarawak, Dato Sri Fatimah Abdullah madah, tu dikena nyeliahka isu penanggul surat peranak anak sida dudi ari ila.

“Siti kebuah isu peranak menua nyadi ba pun ari pengawa jadi melaki bini ke enda atur manah enggau apai indai sida enda rejister tikah sida enggau chara ti sah,”ku iya.

Nya kebuah anak ke ada ngujungka beapai ke indai sida empu.

Isu tu deka meri penanggul ke besai lebuh indai sida nya peranak ari menua luar lalu anak sida mega dikategorika nyadi peranak menua luar.

Fatimah ke mega Kaban Kunsil Nengeri (ADUN) Dalat ngelalau mensia mayuh mesti ngemeratka isu peranak anak sida ngambika enda meri empas ngagai pengidup anak sida dudi ila.

Ku iya madah, perintah endang naka ulih mantu enggau mutarka isu bekaul peranak menua nembiak mit di nenegri tu.

Tags: #ib

Join our social media channel to get our news Alerts and highlights.

Leave a Reply

Your email address will not be published.