Program ke ngaul peranak di menua pesisir patut dikerembaika agi

Spread the love

KAPIT, 25 Mac: Program ke ngaul mayuh macham ejensi perintah ti diatur di menua pesisir lebih agi di rumah panjai endang chukup engkeman sereta patut suah diatur.

Kaban Parlimen Hulu Rajang Datuk Wilson Ugak Kumbong madahka, Program WAIFM Datai Nemuai ke Rh.Unggam Nanga Entawau Baleh Kapit ke diatur ari 19 Mac enggau 20 Mac ke udah nerima sambut ke chukup manah ari peranak rumah panjai.

“Nengah program tu ejensi perintah perintah baka Majlis Daerah Kapit (MDK), Sarawak Energy Berhad (SEB), Opis Bomba, Polis Diraja Malaysia (PDRM), Opis Penerang Kapit, Ejensi Dadah Pelilih Sibu, KEMAS, Palan Servis N.64 Baleh enggau ke bukai ulih bekunsika penerang senentang tangkup pengawa sida ngagai peranak di rumah panjai.

“Kelimpah ari nya, program nya mega disereta pengari rayat enggau tuai peranak ke tau negutka agi kaul sida enggau rayat.

Ba pengerambai ke sama, Wilson Ugak nerangka, WAIFM ukai semina ngatur program ba dalam radio tauka di mengeri Kuching tang mega ngelawa menua ulu enggau menua pesisir.

“Raban ari WAIFM ti dituaika Manijer WAIFM, Monica Midi datai nemuai ke rumah panjai seraya berandau enggau rayat sereta bekunsika penerang ke chukup beguna ti mesti ditemu mensia mayuh ke mendam di kandang menua nya,” ku iya madah agi.

Ejensi perintah baka MDK enggau Opis Bomba ulih nguna peluang nya nerangka senentang chara pengelikun ke patut dikena nyeliahka penusah ke tau nyadi rumah panjai.

Iya madahka bisi nerangka ngagai rayat perambu enggau pekara pemansang ke deka dibai ba sitak parlimen Hulu Rajang, lebih agi di Kunsil Nengeri (DUN) Baleh.

Tags: #iban

Join our social media channel to get our news Alerts and highlights.

Leave a Reply

Your email address will not be published.