Sebuah rumah di Jalai Manggis Sarikei angus

Spread the love

SARIKEI, 18 Mac: Sebuah rumah dua tingkat di Jalai Manggis Kampung Seberang, Sarikei angus 60 peratus, kilah lemai Hari Empat.
Ku Tuai Balai Bomba enggau Penyelamat Sarikei, Mahmudin Narudin madah, nadai sebarang bakal diripotka ba penusah angus nya.
Ku iya madah, penusah angus tu nyadi urung pukul 4:30 lemai nya tang api mujur dipadamka raban bomba dalam timpuh sejam.
“ Bisi siku ke beumur 65 taun sempat nyelamatka diri enggau pansut ari rumah nya lalu nadai sebarang bakal diripotka” ku iya lebuh dirandau TVS.
“Kitai udah mujur madamka api pukul 5:13 lemai . Semua raban (bomba) ke bisi dikerah ba endur tu iya nya lebih kurang 10 iku enggau dibantu ejensi bukai nyengkaum PDRM (4) enggau SESCO (2)”ku iya.
Ku iya madah, operasi madamka api tembu urung pukul 6.56 lemai.
Kebuah penusah angus enggau anggar pengerugi agi ditasat.

Tags: #ib

Join our social media channel to get our news Alerts and highlights.

Leave a Reply

Your email address will not be published.