Francais mantu ngelancharka enggau ngemesaika dagang

Spread the love

KUALA LUMPUR, 18 Mac: Pengawa dagang entara pengawa ke mayuh mai penguntung sekalika ngagai sesiku pedagang tauka kompeni.

Bidang dagang mega entara bidang ke nerima sambut ke chukup manah, lebih agi ungkup orang ke bisi pengerindu deka nyadi pedagang.

Mayuh orang lebih agi raban nembiak nguji deka nelebaka diri ba pengawa dagang, tang enda nemu baka ni chara ngemunka pengawa nya.

Dagang francais ukai siti pekara ke baru ba dalam bidang dagang laban udah lama ditumbuhka lebih agi di menua Amerika Syarikat enggau Eropah sereta diatu udah rembus ke menua bukai di serata dunya.

Tuai Penulung Direktor Kanan, Seksyen Pemansang Francais enggau Jual Terus Opis Menteri Dagang Dalam Menua enggau Pekara Bebelika Barang (KPDNHEP), Nuramalina Ibrahim madahka, Francais tu dagang ke ngaul dua iku orang iya nya francaisor enggau francaisi.

“Orang ke meri kuasa bejalaika dagang dikangauka francaisor enggau orang ke diberi kuasa tauka dichiri bejalaika dagang dikangauka francaisi.

“Reti pengawa dagang baka tu nguna chap, modal enggau chara operasyen kompeni. Nya mih pengawa dagang ke dikumbai kitai francais,” ku iya madah.

Iya nerangka, francais tu dagang ke nguna sistem ti nyengkaum operasyen manual, pengawa bedaja manual, sereta bisi francaisor ke seruran meri sanding penemu, meri sukung latih, pengatur enggau iklan.

“Nangkan ke nya, francaisi semina nitihka garis lalau ke udah ditetapka francaisor. Tu siti ari pengelebih kita ke ngaul diri ba dalam dagang francais ke nyadi francaisi. Enti sema kita udah lama bedagang sereta kita nyadi francaisor kita ulih ngerembaika agi dagang kita nguna orang ti ketiga,”

Kelimpah ari nya, Nuramalina madahka, pengelebih nyiri francaisi tu iya nya sida ulih ngatur pengawa dagang ke diberi nya enggau lebih manah, ti dibanding nyiri pekereja.

Iya mansutka jaku nya maya dirandau ba dalam FB Live Sembang Sat nengah laman Facebook KPDNHEP lebuh Hari Empat. – TVS

Tags: #iban

Join our social media channel to get our news Alerts and highlights.

Leave a Reply

Your email address will not be published.