Rumah angus, tiga iku diri menyadi retung

Spread the love

LAWAS, 26 Feb: Tiga iku diri menyadi lelaki retung lalu enam iku ke bukai selamat ba penusah angus ti nuntung rumah sida di Kampung Seberang Kedai, Lawas malam tadi.

Nitihka penerang Jurujaku Operasyen Opis Bomba enggau Penyelamat Malaysia (JBPM) Sarawak madahka, sida ke retung ba penusah angus tu iya nya Mohd Hesdi Huzaidi Azrie, 4 taun,  Mohd Hezmi Huzaili 7 taun  enggau Mohd Hezry Huzaimi, 8 taun.

Bomba Sarawak madahka, sida nerima kangau ngenyit sentang penusah nya urung pukul 11 malam.

Entara ke selamat iya nya apai indai sereta dua iku agi menyadi ke bukai ke beumur 12 enggau 14 taun.

Ini enggau aki sida ke beumur 72 enggau 73 taun mega selamat maya penusah nya nyadi.

Semua bangkai udah diserahka ngagai raban polis ngambika ulih bejalaika atur ke patut.

Join our social media channel to get our news Alerts and highlights.

Leave a Reply

Your email address will not be published.