Peranak rumah panjai diperansang ngemajuka diri dalam bidang betanam betupi

By Madeline Dugat
Spread the love

SRI AMAN: Bisi 150 iku pesereta ari lapan buah rumah panjai nyereta licha Program Agriculture Community Outreach (AgriCOP) siri ke-8 ti diatur ba Rumah Meria, Sengelau, Jalai Paip, Sri Aman empai lama ti udah.

Menteri Muda Pengelantang Komuniti, Datuk Francis Harden Hollis madahka, tuju program tu iya nya dikena meri penemu ngagai peranak sentang peluang ngemajuka diri dalam bidang betanam betupi.

Ku iya madah, pemanah program tu pesereta ulih belajarka chara ngulihka sum padi bukit enggau padi paya, chara ngulihka lisin berikan darat ti meri pemaik ngagai sesapa ti deka ngaul diri ba pengawa betanam betupi.

Kelimpah ari nya, lebih buah enggau sayur deka dibeli PPK Batang Lupar seraya mantu raban pekebun ngulihka asil penatai pemisi.

Pesereta mega diberi penerang sentang penyakit African Swine Fever (ASF) enggau penyakit rabies nyengkaum pemanah bisi Kenyalang Gold Card (KGC)

Bejaku senentang politik, Harden ngarap rayat pintar milih pengari rayat ke engkeman ti ulih mai pemansang ba pengawa bepilih nengeri Sarawak (PRN12) tu ila.

“Rayat dilalau enti deka meda perambu perintah dalam pengawa pemansang bejalai lanchar anang milih penyakal, pilih chalun GPS ti ngemeranka slogan ‘Jaga Sarawak, Intu Sarawak’. Nadai parti bukai ti nemu penusah rayat Sarawak kelimpah GPS,”

Ba kepenudi program nya, Harden bisi nyuaka chek Projek Mit Menua Pesisir (MRP) ngagai Komiti Pemansang Genturung Pendiau (JKKK) Rumah Meri, Sengelau, Rumah Japing, Nyakai Baroh, Rumah [email protected] Hamson, Sungai Pinggai Baru enggau Rumah Wilson Madon, Sungai Pinggai Ili ti beungkus penyampau RM9,000.

Join our Telegram channel to get our news Alerts and highlights

Leave a Reply

Your email address will not be published. Required fields are marked *

Log In

Forgot password?

Forgot password?

Enter your account data and we will send you a link to reset your password.

Your password reset link appears to be invalid or expired.

Log in

Privacy Policy

Add to Collection

No Collections

Here you'll find all collections you've created before.

Karuna Web Design