Industri buluh ngembuan potensi nyadi komoditi besai menua

By Madeline Dugat
Spread the love

KUCHING: Perintah nengeri komited deka ngemansangka industri buluh ti ulih ngangkatka pemansut asil penatai pemisi nengeri tu.

Menteri Muda Pemansang Mengeri enggau Pengeraja Asal Datu Len Talif Salleh madah, pengawa betanam buluh ulih nyadi siti komoditi besai menua.

“Ambika chunto menua China ngemeratka nguna buluh nyadi siti komidi besai. Baka ke ditemu kitai, buluh tu utai tanam ti jampat tumbuh enggau mudah ditanam,” ku iya dalam laman facebook iya kemari.

Len Talif ke mega Chairman Sarawak Bamboo Industry Development Steering Committee (SaBID) madah, Perbadanan Kemajuan Perusahaan Kayu Sarawak (PUSAKA) diberi mandat nentuka indutri buluh terus mansang.

Berebak enggau nya, dikena ngangkatka produk bepelasarka buluh pengawa perintah deka mekuh nanam 10000 ha enggau mayuh macham bansa spp buluh ti mungkur komuniti, ngangkatka pengawa pansik enggau pemansang, nguna teknologi moden, ngelalkuka enggau bedagang produk.

Ku iya madah, tu nyengkaum nempa kerejasama enggau serikat engga institusyen dalam menua enggau antarabansa dikena nentuka tunga kuing industri buluh.

Dulu agi ari tu, Menteri Ladang enggau Komoditi, Datuk Zuraida Kamaruddin madahka, program ‘Bamboo Community Farming’ mega udah berengkah dipejalai kenyau pun taun tu nyentuk 2025 ba baruh Atur Malaysia Lumpar Ke-12 (RMK-12).

Ku iya madah, tu seriris enggau Pelan Tindakan Pembangunan Industri Buluh Negara (2021-2030) dikena ngangkatka eksport produk buluh ke serata menua.

Join our Telegram channel to get our news Alerts and highlights

Leave a Reply

Your email address will not be published. Required fields are marked *

Log In

Forgot password?

Forgot password?

Enter your account data and we will send you a link to reset your password.

Your password reset link appears to be invalid or expired.

Log in

Privacy Policy

Add to Collection

No Collections

Here you'll find all collections you've created before.