Projek ammonia enggau hidrogen gadung deka dikemansangka di Bintulu

By Steward Dawi
Spread the love

KUCHING: Samsung Engineering iya nya sebuah serikat injiner, pengulih, pengawa berumah enggau pengatur projek (EPC & PM) tebilang dunya merambu deka ngemansangka projek hidrogen & amonia gadung di Bintulu ti digelar H2biscus Project.

Projek nya dibantaika beserimbai enggau “Jaku Gerah Senentang Strategi Pemansang Ekonomi enggau Komuniti Hidrogen Perintah Korea”, ke mekuhka ngagai pemujur enggau penteba ekonomi hidrogen perintah menua Korea.

Presiden enggau Tuai Pegawai Eksekutif Samsung Engineering, Sungan Choi nyerahka “Projek Hidrogen Gadung / Ammonia Gadung Malaysia Sarawak” ngagai Presiden enggau Menteri Republik Korea.

Choi madahka, bisi tiga buah serikat besai Korea (Posco, Lotte Chemical enggau Samsung Engineering) ti deka bejalaika tanggungpengawa penuh ngemansangka projek nya ti mungkur pengawa meranak puku, pengawa berumah, pengangkut sereta perengkaguna ke bukai.

“Mayuh macham produk ke enda ngeruga rampa menua deka digaga nengah projek tu ti nyerangkung hidrogen gadung, amonia gadung enggau biru, metanol gadung sereta CCU.

“Projek tu deka nyadi projek teladan betikas antarabansa ungkup pengawa dagang kuasa ke udah diguna baru enggau pengangkut hidrogen entara Korea enggau Malaysia, seraya netapka standard ke bekaul enggau hidrogen ba kedua-dua menua,” ku iya madah.

Projek Ammonia/Hidrogen Gadung H2biscus Sarawak deka dipelanja enggau dikemansangka POSCO, Lotte Chemical, Gerempung Pemansang Ekonomi Sarawak (SEDC) nengah anak serikat, SEDC Energy, sereta konsortium Sarawak Engineering.

Tu dijangka deka ngeluarka 7,000 tan hidrogen gadung setaun ke ulih diguna rayat  di Sarawak, 600,000 tan ammonia biru setaun, 630,000 tan ammonia gadung setaun, sereta 460,000 tan metanol gadung setaun.

Nankan ke nya, pansik Pra-kebolehlaksanaan udah tembu enggau pansik Kebolehlaksanaan dijangka berengkah dipejalaika ba taun tu.

Kunterik ungkup FEED (Front End Engineering Design) enggau EPC dijangka deka diberi ba taun baru.

Samsung Engineering diatu benung bejalaika projek loji metanol Sarawak Petchem di Bintulu,  ti dijangka deka ngeluarka 5,000 tan metanol sehari.

Samsung Engineering deka nyadi  ‘Penyendia Solusyen Gadung Ngelui EPC’  iya nya nyendiaka servis nguna kuasa enggau infrastrakcha gadung nengah analisis proses bepelasarka digital.

Lemai ensanus, Kepala Menteri Datuk Patinggi Abang Johari Tun Openg enggau Sapit Kepala Menteri Datuk Amar Awang Tengah Ali Hassan disempulang raban ari Perintah  Sarawak baum nguna chara dalam tali arus begulai enggau konsortium Korea betanyaka senentang penemu bekaul projek nya sereta penguntung ke diterima kedua-dua menua – TVS

Join our Telegram channel to get our news Alerts and highlights

Leave a Reply

Your email address will not be published. Required fields are marked *

Log In

Forgot password?

Forgot password?

Enter your account data and we will send you a link to reset your password.

Your password reset link appears to be invalid or expired.

Log in

Privacy Policy

Add to Collection

No Collections

Here you'll find all collections you've created before.