Infrastruktur ba palan pemansang bakul pemakai mesti dikemanahka agi

By Jessica Chung
Spread the love

KUALA LUMPUR : Bisi 14 buah kandang endur udah dikelala nyadi palan pemansang bakul pemakai ba bagi menua Betong, Sarikei enggau Mukah ti ngembuan pemesai 40,555 hektar.

Berindik ari nya, Sarawak begunaka ungkup ngenyampau RM1.5 bilion kena ngemansangka infrastruktur baka sistem parit enggau entali ai sereta jalai ba endur nya.

Kaban Parlimen Betong, Datuk Robert Lawson Chuat

Ku Kaban Parlimen Betong, Datuk Robert Lawson Chuat, bepelasarka pansik ti udah dipejalai, semua kandang endur nya ngembuan potensi dikemansang nyadi palan pemansut pemakai baka padi sereta buah ti ulih dieksport nyengkaum nanas enggau pisang.

“Sarawak mega minta ngambika pemansang infrastruktur sistem parit enggau entali ai ungkup pemansang padi bedandang besai ba kandang endur di Batang Lupar, Sri Aman dikemesaika agi. Naka kediatu, semina 196 hektar aja udah disikap baruh Projek EPP11 Batang Lupar ari pemesai 5,100 hektar ba kandang endur nya,” ku iya.

Robert mega madah, penambah pemansang kandang endur ti disikap enggau infrastruktur nya ulih mantu ngangkatka pemansang komersil nengah projek paya bedandang besai SMART (SMART SBB) ari Opis Menteri Betanam Betupi enggau Industri Pemakai Malaysia (MAFI).

Pemansang nya ngemeratka mekanisma enggau automasi dikena nambahka produktiviti padi.

“Ungkup RM6.3 juta ti dikemendarka ngagai IADA Batang Lupar kena nyendiaka endur betanam, perengka teknologi sereta ngalau endur betanam ba kandang endur ti udah bisi, endang disambut manah,” ku Robert.

Taja pia, ungkup tambah chukup diguna dikena ngerichahka agi pengawa ngemansangka infrastruktur sistem parit enggau entali ai ba kandang endur bukai awakka pemujur ba pengawa nya jampat agi ulih dijapai.

Iya mansutka jaku nya ba aum Parlimen maya Hari Eempat tu tadi. – TVS

Join our Telegram channel to get our news Alerts and highlights

Leave a Reply

Your email address will not be published. Required fields are marked *

Log In

Forgot password?

Forgot password?

Enter your account data and we will send you a link to reset your password.

Your password reset link appears to be invalid or expired.

Log in

Privacy Policy

Add to Collection

No Collections

Here you'll find all collections you've created before.