Raban Gerija St Simon Sebuyau meri bantu pemakai ngagai peranak Kristian ke bejalaika PKPD

By Steward Dawi
Spread the love

SEBUYAU, 18 Sept: Bisi 26 Tuai Bilik ba Kampung Tanjung Baru Maludam enggau tujuh Tuai Bilik ba Kampung Baru sebuyau nerima bantu bekal pemakai ari raban Gerija Anglican St Simon’s Mission District maya hari enam.

Bantu pemakai nya diberi ngagai tuai bilik peranak kristian ba kedua-dua genturung pendiau nya ketegal diatu sida benung bejalaika Atur Mindah Betagang (PKPD) ti ngujungka sida enda dikemendarka pansut bebelika barang ke diguna ninting hari.

Raban ke meri bantu tu nguna timpuh sejam setengah nguna feri Triso lalu tu kedua kali sida meri bantu pemakai ngagai peranak ke tekeruga.

Ku Tuai Raban nya Sub Deacons Bujang Jiti madah, iya gaga ati sereta beterima kasih ngagai raban gerija tu ke udah besaup sereta besetuju deka meri bantu pemakai ngagai peranak kristian ba kedua-dua genturung pendiau nya.

“Nyadi bantu tu amai enda mayuh tang bisi reti ba kitai dikena ngelempungka penusah sida ke bejalaika atur mindah betagang tu ketegal penyakit COVID-19. Nya kebuah kami meri bantu awakka sida ulih ngasaika pengasih ari raban kristian gerija,”

Bujang madahka, sebedau tu sida mujur meri bantu pemakai ke sama ngagai peranak ke diau ba rumah panjai ba Kampung Belimbing Besi enggau rumah panjai ba Kampung Lunying Sebuyau kena 29 Ogos ke udah.

Ba Kampung Lunying bisi 40 Tuai Bilik enggau tiga Tuai Bilik ba Kampung Belimbing ke udah nerima bantu pemakai ari raban gerija tu.

Iya arapka pengawa baka nya ulih ditunda raban gerija bukai ngambika sama besaup mantu peranak bukai ke bisi penanggul ngulihka bekal pemakai tauka putus bekal pemakai seraya negutka kaul enggau pangan diri.

Join our Telegram channel to get our news Alerts and highlights

Leave a Reply

Your email address will not be published. Required fields are marked *

Log In

Forgot password?

Forgot password?

Enter your account data and we will send you a link to reset your password.

Your password reset link appears to be invalid or expired.

Log in

Privacy Policy

Add to Collection

No Collections

Here you'll find all collections you've created before.