COVID-19 : 3,747 kes positif, 15 pemati kena Hari Minggu

Spread the love

KUCHING : Sarawak ngerikodka 3,747 kes baru COVID-19 enggau 99.73 peratus ari nya tauka 3,737 kes dalam Kategori Satu enggau Dua.

Komiti Mutarka Penusah Ngenyit Nengeri (JPBN) Sarawak dalam penerang ia madah, semina seiti kes Kategori 3, tiga kes Kategori 4 enggau enam kes Kategori 5 diripot.

“Kuching mengkang ngerikodka kes pemadu tinggi iya nya 1,311 kes ditangkanka Serian enggau 397 kes, Sibu 254, Betong 214, Samarahan 191, Mukah 151, Pusa 142, Bintulu 129, Bau 123, Sri Aman 82, Song 81, Asajaya 75, Tatau 75, Pakan 72, Miri 66, Saratok 50, Simunjan 49, Tebedu 40, Lundu 33, Lubok Antu 27, Kanowit 26, Dalat 25, Limbang 22, Sarikei 20, Selangau 17, Matu 14, Beluru 12, Kapit 11, Belaga tujuh, Kabong enggau Julau bela tiga, Lawas enggau Sebauh bela dua sereta Meradong seiti kes,” ku JPBN.

JPBN Sarawaj mega ngeripotka 15 kes pemati baru ketegal COVID-19 di Sarawak ti alai semua pesakit tu ngembuan penyakit raya.

Nangkanka nya, bisi 1,769 kes udah gerai enggau dikemendarka pansut ari sepital ti nyujungka penyampau semua orang ke udah gerai nambah ngagai 100,126 iku tauka 76.49 peratus ari kesemua penyampau kes.

JPBN mega ngenukuka bisi empat kluster baru ia nya Kluster Simpang Bakun di Bintulu, Kluster Persiaran Silicon di Kuching, Kluster Pangkalan di Bau enggau Kluster Annah Rais di Kuching.

Ba awak ti sama, bisi lima kluster udah ditukuka punas iya nya Kluster Balai Ringin Melayu di Serian, Kluster Jalai Ding Lik Kwong Dua di Sibu, Kluster Jalai Stutong Baru di Kuching, Kluster Taman Yen-Yen di Kuching enggau Kluster Kampung Jaya Bakti di Kuching.

Tags: #ib

Join our social media channel to get our news Alerts and highlights.

Leave a Reply

Your email address will not be published.