67.4 % rayat besai tuai di Malaysia udah nerima dua dos vaksin COVID-19 naka kemari

Spread the love

KUALA LUMPUR, 5 SEPT: Udah manggai 67.4 peratus tauka 15,772,760 iku ari rayat di menua tu udah nerima dua dos tuchuk vaksin COVID-19 naka hari enam.

Nitihka berita ari Bernama, pekara nya dipadahka Komiti Khas Jamin Akses Bekal Vaksin COVID-19 (JKJAV).

JKJAV nengah infografik ti dikunsika ba laman Twitter sehari tu madahka, 36,141,604 dos vaksin COVID-19 udah diberi nengah Program Betuchuk Vaksin COVID-19 Menua (PICK).

“Tu nyengkaum  vaksin dos tunggal enggau dua dos.

“Bisi 20,401,824 iku rayat di menau tu udah nerima lebih kurang satu dos, ti nyerangkung penerima vaksin dos tunggal CanSino, “ ku JKJAV madah.

Kelimpah ari nya, program betuchuk vaksin ninting hari naka hari enam ngerikodka 300,501 dos lalu 134,559 ari nya dos satu ari vaksin dua dos seraya 165,492 iya nya udah nerima dua dos.

PICK dilancharka maya 24 Februari ke udah ti mai tuju meri vaksin ngagai genap iku rayat dikena nagang pengekai igi penyakit  COVID-19 di serata menua.

Join our social media channel to get our news Alerts and highlights.

Leave a Reply

Your email address will not be published.