COVID-19: Sarawak ngerikodka taka ulih berampit pemadu tinggi

Spread the love

KUALA LUMPUR: Malaysia majak ngerikodka trend nurun ungkup taka ulih berampit COVID-19.

Penyampau nya ngerikodka taka 0.96 sehari tu enti dibanding maya Hari Empat ia nya taka 0.97.

Taja pia, bisi 11 nengeri ti ngerikodka taka ulih berampit lebih ari pukul rata ti ditetapka menua.

arawak ngerikodka taka ti pemadu tinggi iya nya 1.14, ditangkanka Perlis, Johor, Pulau Pinang ,Terengganu, Sabah, Kelantan, Perak, Kedah Pahang enggau Putrajaya.

Entudika nya, Selangor, Melaka, Negeri Semilan enggau Kuala Lumpur ngerikodka taka ulih berampit ba baruh pukul rata ti ditetapka menua.

Nitihka ripot, Labuan nyadi pelilih ti ngerikodka empat kes baru COVID-19.

Kelimpah ari nya, taka ulih berampit ti pemadu baru kala dirikodka taun tu iya nya 0.81 maya 3 Mac apin lama ti udah lalu, taka ti pemadu tinggi ia nya 1.21 kena 23 Mei ti udah.

‘Nilai R-naught’ tu iya nya taka virus ulih berampit, ia nya berapa mayuh orang ulih dirampit siti kes positif.

Tags: #ib

Join our social media channel to get our news Alerts and highlights.

Leave a Reply

Your email address will not be published.