Timpuh SOP ba Zon Selatan Sarawak dilanjar ngagai 19 September

Spread the love

KUCHING: Atur Operasi Standard (SOP) ti ditetapka sebedau tu ba Zon Selatan ti nyengkaum Pelilih Kuching, Lundu, Samarahan, Asajaya, Simunjan, Serian enggau Tebedu udah dilanjar ngagai 19 September 2021 (11.59 malam).

Komiti Mutarka Penusah Ngenyit Nengeri Sarawak (JPBNS) nengah siti penerang berita madahka pemutus nya digaga berindik ari penyampau kes COVID-19 ba Zon Selatan ti agi ba tikas tinggi.

Entara SOP ti agi diteritka ba Zon Selatan iya nya ‘dine-in’ tauka makai ba kedai agi enda dikemendar, operasi kedai makai tauka restoran ‘take out’ dikemendarka dibuka ari pukul 5.00 pagi ngagai pukul 10.00 malam, operasi dagang bukai dikemendarka dibuka ari pukul 5.00 pagi ngagai 8.00 malam.

“Sesiku orang tauka beraban enda dikemendarka ba palan mensia mayuh sepengudah pukul 12.00 tengah malam enti nadai kebuah ti berat,” ku JPBNS.

Sebedau tu, SOP tu dteritka ari 29 Ogos (12:01 pagi) nyentuk ngagai 5 September (11:59 malam).

“Pemindah entara pelilih ari Zon Selatan ngagai pelilih menua bukai patut bisi pemendar ari PDRM (permit polis) enggau pemutus negatif peresa rT-PCR tauka RTK Antigen ti dikemendarka KKM (Opis Menteri Pengerai Malaysia),’’ ku JPBNS agi.


Titihka TVS ba Telegram, Facebook, Twitter, Instagram, TikTok enggau Youtube.

Tags: #ib

Join our social media channel to get our news Alerts and highlights.

Leave a Reply

Your email address will not be published.