Khairy deka berunding enggau Menteri Pelajar sekalika pengajar mesti betuchuk vaksin

Spread the love

KUALA LUMPUR: Menteri Pengerai Khairy Jamaluddin madahka iya deka berunding enggau Menteri Pelajar Datuk Dr Radzi Jidin senentang mandat meri tuchuk vaksin ngagai pengajar.

Iya madahka mandat ti deka netap sekalika pengajar mesti betuchuk vaksin tauka enda nya bisi empas undang-undang kediri empu.

“Aku mesti berunding enggau Opis Menteri Pelajar (KPM). Bisi mega empas undang-undang. Nyadi kami mesti berandau enggau Menteri Pelajar pasal mandat tu sekalika netap pengajar mesti betuchuk vaksin tauka enda,” ku iya dalam randau khas ba Opis Menteri Pengerai kemari.

Sebedau tu, Radzi madahka KPM udah netapka bala pengajar ke enggai betuchuk vaksin enda dikemendar ngajar betunga mua enggau nembiak enti sekula dibuka kena 3 Oktober ila ngambika ekosistem sekula selamat endur nembiak.

Ku iya, bisi 2,500 iku pengajar enggai betuchuk vaksin.

Taja pia, 96.7 peratus pengajar bukai udah nerima vaksin, abis nadai siti dos vaksin, lalu 85.26 peratus udah tembu dituchuk dua dos vaksin.

Menteri Pelajar Malaysia Datuk Dr Radzi Jidin

Tags: #ib

Join our social media channel to get our news Alerts and highlights.

Leave a Reply

Your email address will not be published.