18 genturung pendiau di Sarawak bejalaika PKPD

Spread the love

KUCHING: Komiti Mutarka Penusah Ngenyit Nengeri Sarawak (JPBNS) mutuska 18 buah genturung pendiau deka bejalaika pentin Atur Nagang Pemindah Diteritka Agi (PKPD) lalu lapan buah genturung pendiau sebedau tu udah abis timpuh PKPD.

PKPD deka dipejalaika ba empat genturung pendiau di Pelilih Serian, iya nya berengkah ari 4 ngagai 17 September 2021 ba Kampung Mapu Mijabu, Kampung Mapu Tantu, Kampung Mapu Sadong enggau Kampung Mapu Tragus.

Ba Pelilih Betong, PKPD dipejalaika ba Rumah Tayan di Nanga Penebak, Ulu Layar, Rumah Bantan ba Sungai Langit enggau Rumah Edward di Batu Lintang, mega ari 4 ngagai 17 September 2021.

Entudika nya, ba Pelilih Tatau, PKPD ti ke udah dipejalaika ari 2 ngagai 15 September 2021 ia nya ngaul Rumah Suang Anak Gambai di Nanga Sana, Rumah Enggul anak Ujan di Sungai Selitut enggau Rumah Norma anak Sanggat di Jalai Samarakan.

PKPD dipejalaika ba Subis ngaul Sarawak Oil Palms Berhad, Suai 1 Estate (Gelasah Division) enggau Gelasah Palms Oil Mill, Kilometer 120, Jalai Miri-Bintulu, enggau ba Beluru ti ngaul Kampung Long Aton di Tinjar sereta SK Long Aton di Ulu Tinjar ari 3 ngagai 17 September 2021.

Kelimpah ari nya, dua buah genturung pendiau di Sebauh udah bejalaika PKPD iya nya Rumah Beraoh Anak Emperan, Kilometer 8, Jalai Sebauh- Bintulu enggau Rymah Timban Anak Metan di Sungai Setulai, Jalai Sebauh-Bintulu berengkah ari 2 ngagai 15 September 2021.

Genturung pendiau ba Pelilih Lubok Antu ngaul Rumah Idat di Lubok Subong bejalaika PKPD ari 3 ngagai 16 September 2021 lalu PKPD dalam Pelilih Simunjan dipejalaika ba Kampung Spaoh Kiri, Kampung Spaoh Raba Baru enggau Kampung Spaoh Engkabang ari 4 ngagai 17 September 2021.

JPBNS madahka nadai genturung pendiau dilanjarka timpuh PKPD naka ke diatu.

Kelimpah ari nya, PKPD diketuka ba Rumah Betie di Kampung Jaong Asal, Pantu, Sri Aman, ba Kampung Tanah Hitam 1 enggau Kampung Tanah HItam 2 di Sematan, Lundu, ba Kampung Sebayor di Kota Samarahan, Kampung Semalatong (Simpang Semalatong enggau Semalatong Indah), Kampung Samalatong Lama, Kampung Samalatong Baru, Kampung Sungai Semabang enggau Kampung Sibau Rumbau di Simunjan, ba Rumah Layuh ak Muyang di Jalai Ulu Sebauh, Bintulu, ba bilik suwa (atas kedai Daiken Café) di Tanjung Kidurong, Bintulu, ba bilik suwa pekereja Restoran An Najah di Bintulu enggau ba Rumah Achi di Sungai Baladian, Julau.

Titihka TVS ba Telegram, Facebook, Twitter, Instagram, TikTok enggau Youtube.

Tags: #ib

Join our social media channel to get our news Alerts and highlights.

Leave a Reply

Your email address will not be published.