PKPD dipejalaika ba 19 genturung pendiau serata Sarawak

Spread the love

KUCHING: Atur Nagang Pemindah Diteritka Agi (PKPD) dipejalaika ba 19 genturung pendiau, ia nya dua di Bintulu, empat di Sri Aman, tiga di Lubok Antu enggau 10 di Betong.

Ku Komiti Mutarka Penusah Ngenyit Nengeri (JPBN) Sarawak, PKPD di Bintulu dipejalaika ba bilik suwa atas kedai Yeo’s Motor enggau Kuarters Pekereja Justrite 708, Endur Industri Kidurong berengkah ari 31 Ogos ngagai 13 September 2021.

Di Sri Aman, PKPD ngaul Rumah Miah, Kampung Munggu Ridan, Pantu enggau Rumah Betie, Kampung Jaong Asal, Pantu ti berengkah ari 31 Ogos ngagai 13 September 2021.

Pia mega, dua buah rumah panjai bukai di Sri Aman ti berengkah bejalaika PKPD kena 1 ngagai 14 September 2021, ia nya Rumah Bisop, Kampung Rapak Gelu, Pantu enggau Rumah Dennis, Kampung Sawa Ili, Lingga.

“Rumah Ujak, Pengansah, Engkelili, Rumah Ubam, Lio, Engkelili enggau Rumah Endawie, Nanga Jela, Batang Ai di Lubok Antu sama berengkah bejalaika PKPD kena 1 ngagai 14 September 2021,” ku JPBN Sarawak madah dalam siti penerang kena Hari Tiga.

Di Betong, PKPD dipejalaika ba 10 genturung pendiau, ti nyengkaum Rumah Bawie, Rapong, Debak, Rumah Lebin, Muton Baru, Debak, Rumah Denil, Menyalin Baru, Debak, Rumah Sabal, Batu Lapan, Debak, Rumah Micheal, Sebangkoi. Rumah Sibat, Penurin, Rumah Lugat, Penyelanih Kiba, Rumah Langan, Nanga Mara, Rumah Joseph, Jambu Kerampak enggau Rumah Bayai, Melaban, ti bela berengkah ari 2 ngagai 15 September 2021.

JPBNS mega madah, siti genturung pendiau dilanjarka timpuh PKPD, ia nya Rumah Machau, Nanga Kumpang, Engkelili berengkah ari 31 Ogos ngagai 7 September 2021.

“PKPD diketuka ba dua genturung pendiau, ia nya Rumah Gon, Nanga Serian, Baleh, Bukit Mabong, enggau bilik suwa (atas Kedai Protective Insurance Service) Bintulu kena 1 September 2021,” ku JPBNS.

Titihka TVS ba TelegramFacebook, TwitterInstagramTikTok  enggau YouTube.

Tags: #ib

Join our social media channel to get our news Alerts and highlights.

Leave a Reply

Your email address will not be published.