Lebih 91 peratus iku udah nerima vaksin COVID-19 ba Sarawak

Spread the love

KUCHING, 1 Sept: Naka hari satu ke udah Program Betuchuk Vaksin COVID-19 ba Sarawak udah mujur meri vaksin ngagai lebih 91 peratus iku rayat di nengeri tu.

Nitihka ripot ari UKAS, Kepala Menteri Datuk Patinggi Abang Johari Tun Openg madahka, bisi  1,879,360 iku tauka  lebih 91 peratus udah mujur nerima vaksin COVID-19 dos satu ari 2,066,000 iku ke patut nerima vaksin beumur 18 taun ke atas.

Ku iya madah, bisi 1,821,499 tauka 88.2 peratus iku orang ke beumur 18 taun ke atas udah nerima dos kedua vaksin COVID-19.

“Sarawak diatu benung dalam timpuh darurat pengerai lalu pekara ti dikemeratka diatu iya nya ngelaban igi penyakit COVID-19.

“Naka hari satu program meri vaksin kitai udah nyapai 91.0 peratus tauka  1,879,360 iku nerima dos satu ari 2,066,000 iku ke patut nerima beumur 18 tahun ke atas,” ku Abang Johari madah lebuh bejaku ba dalam Pengerami Hari Kebangsaan 2021 Renggat Nengeri Sarawak maya hari Dua.

“Berebak ari nya, dos kedua sida ke udah nerima iya nya bisi 1,821,499 iku tauka 88.2 peratus ari sida ke beumur 18 taun ke atas.

Titihka TVS ba TelegramFacebook, TwitterInstagramTikTok enggau YouTube.

Join our social media channel to get our news Alerts and highlights.

Leave a Reply

Your email address will not be published.