25 iku dikompaun lebuh Ops SOP Ambang Merdeka di Kuching

Spread the love

KUCHING: Bisi 25 iku orang udah dikompaun dalam Operasyen Penerit Adat Atur Standard Pengawa (SOP) Akta 342 beserimbai enggau pengerami Ambang Merdeka ba Pelilih Kuching.

Tuai Polis Pelilih Kuching, Ahsmon Bajah madahka, raban Ops pengasi udah bejalaika peresa ba dua endur iya nya ba Jalai Tan Sri Ong Kee Hui enggau Jalai Hup Kee di Kuching.

“Sida ke ditangkap tu ia nya 14 iku lelaki enggau 11 iku indu ke beumur entara 22 ngagai 49 taun,” ku Ahsmon ba siti penerang maya Hari Tiga.

Kesemua 25 iku tu ditemu ngaga penyalah ia nya agi ba palan mensia mayuh ngelui jam ti patut baka ka ditetapka dalam SOP, kelimpah ari enda nitihka atur seraka fizikal.

Penyampau kesemua kompaun ti diberi ngagai sida tu RM37,500.

“Mensia mayuh dilalau ngambika meruan ngasika SOP ti udah ditetapka,” ku Ahsmon nambah agi.

Ahsmon madahka raban polis deka neritka atur enggau sapa-sapa aja orang ke ditemu ngelanggar SOP COVID-19.

Tags: #iban

Join our social media channel to get our news Alerts and highlights.

Leave a Reply

Your email address will not be published.