Agong enggau Menteri Besai baum nengah video sehari tu

Spread the love

KUALA LUMPUR, 1 Sept: Sehari tu Yang di-Pertuan Agong Al-Sultan Abdullah Ri’ayatuddin Al-Mustafa Billah Shah nerima penatai Menteri Besai Datuk Seri Ismail Sabri Yaakob senentang aum pra-Kabinet ti keterubah nengah video ba Istana Negara.

Nitihka penerang berita ari Bernama, Istana Negara ba dalam siti penerang ti dikunsika nengah Facebook madahka, pengawa aum nya ngambi timpuh 30 minit ba pun ari pukul 8.30 pagi.

“Aum nengah video sehari tu iya nya ti keterubah dipejalaika Datuk Seri Ismail Sabri sepengudah iya dichiri nyadi Menteri Besai Malaysia Ke-9.

“Aum pra-Kabinet iya nya entara aktiviti ninting minggu tauka pengawa ke diberatka Al-Sultan Abdullah seraya betukar tauka besilih penemu enggau Menteri Besai lebih agi bekaul isu perintah,” ku iya madah.

Titihka TVS ba TelegramFacebook, TwitterInstagramTikTok enggau YouTube.

Join our social media channel to get our news Alerts and highlights.

Leave a Reply

Your email address will not be published.