Insap Berega  RM 17,800 Dirampas Di Selangau

Spread the love

Polis Diraja Malaysia (PDRM) udah mujur nangkap insap ti beungkus RM17,800  ba sebuah kedai di pelilih Selangau kena 26 hari bulan tujuh 2021.

Ku Tuai Polis Pelilih Mukah DSP Muhamad Rizal Aliah madah, siku lelaki ke beumur 71 tahun mega udah ditangkap kena bejalaika pengawa tasat.

Ku iya dalam operasyen nya, tim iya ari indu opis pelilih mukah ti betuaika Insepktor Ebeni Mohamad  udah bejalaika pengawa meresa ngenyit urung pukul 11.30 ba sebuah kedai ke nadai lumur di lorong Belian 3, pelilih Selangau.

Lebuh pansik dipejalai dia sida tetemuka 140 iti kutak insap bemacham chap enggau dianggar beungkus rm17,800 ti ditemu ba dalam bilik stor di kedai nya.

Lebuh diperesa lelaki nya nadai mantaika dokumen ke sah bekaul chukai barang lalu semua insap ti dirampas diserah ngagai balai polis Mukah.

 Kes dipansik ba baruh seksyen 135 (1)(d) Akta Kastam 1967,  lalu enti ditemu salah ulih ditinggang ukum enda kurang sepuluh kali lipat ungkus ti dirampas tauka rm100,000 tauka dijil enda kurang enam bulan tauka enda lebih lima taun tauka kekedua sekali.

Tags: #ib

Join our social media channel to get our news Alerts and highlights.

Leave a Reply

Your email address will not be published.