Pegawai Bomba enggau Pengajar Besaup Meri Bantu Pemakai

Spread the love

BETONG, 17 Julai – Pengawa mantu raban ke napi penusah terus dipejalaika sekalika ari raban ari ejensi perintah, gerempung ukai dikuasa perintah tauka ari sesiku orang.

Ulah ke kasih sereta siru baka tu tau dijadika chunto enggau teladan awakka ditunda nembiak rebak baru.

Beduduk ari nya, bisi enam tuai bilik ba ulu layar nerima bantu bekal pemakai ari Pegawai Operasyen Balai Bomba enggau Penyelamat Betong Henry Jugah enggau Penulung Kanan Ko-Kurikulum SMK St Augustine Betong Dara Saing.

Entara bantu bekal pemakai ke diberi nya baka beras, telu, garam,gula, ajinomoto, kupi enggau barang bukai ke diguna.

“Tuju kami meri bantu tu iya nya deka mandangka penyiru kami sebilik enggau pengajar Dara sebilik laban lebuh kami meda sida tu ba Ulu Layar begunaka bantu tauka tulung pemakai baka tu.” ku iya madah lebuh dirandau pengarang berita TVS maya hari enam.

Iya madahka, bisi sekeda ruang bilik beguna amat ke bantu baka nya tebal agi sepemanjai timpuh pengekai igi penyakit COVID-19.

“Nya alai kami begempung deka meri bantu ngagai sida tu laban lebuh meda sida asaika kami sebilik empu ke dituntung penusah lalu dikearapka bantu ti diberi tu ulih ngelempungka tating penusah sida.” ku iya madah agi.

Ku Henry madah, entara ruang bilik ke nerima bantu nya iya nya Mary Madang. Stewart Suring Gon, Juing Gundi, Nyaring Datu enggau Endon Bundan.

Tags: #iban

Join our social media channel to get our news Alerts and highlights.

Leave a Reply

Your email address will not be published.