Polis Ngeluarka 42 Kompaun Ngelanggar SOP PKP

Spread the love

KUCHING, 5 Julai: Sepenyampau 42 kompaun udah dikeluarka polis maya timpuh Atur Nagang Pemindah (PKP 3.0) ba serata menua.


Tu nyadika penyampau kompaun ti udah dikeluarka ari 18 Hari Bulan Tiga 2021 iya nya 8,819 kompaun.


Entara kompaun ke udah dikeluarka raban polis iya nya di pelilih Kuching (25), Miri (5), Sibu (5), Bintulu (4), Serian (1), Padawan (1) enggau Lawas (1).


Nitihka penerang ari Komiti Mutar Penusah Ngenyit Nengeri Sarawak (JPBNS), penyalah sida ke dikompaun tu ketegal ngelanggar pentin SOP ke udah ditetapka raban penerit adat.


Entara penyalah nya baka nadai seraka fizikal iya nya 11 kes, mai orang tambang lebih ari tatak (10), bejalaika pengawa enggau nadai pemendar (6), begelumu ba palan mensia mayuh (5), reregap ba palan mensia mayuh lebih ari jam ke udah ditetapka ti nadai kebuah ke berat diripotka (4), nadai scan mysejahtera (3), enda ngena sengkabung mua (2) enggau meraka pelilih menua enggau nadai pemendar (1).


Atur dikena nyeliahka sereta nagang penyakit tu ngelekai ukai semina ejens perintah aja tang mega patut nyadi tanggungpengawa semua kitai. Semua kitai patut ngembuan tanggungpengawa nyaga pengerai diri sereta sama-sama kitai nyeliahka penyakit tu ari ti ngelekai.

Tags: #ib

Join our social media channel to get our news Alerts and highlights.

Leave a Reply

Your email address will not be published.