114 Tuai Bilik Ba Baruh PKPD Nerima Bantu Pemakai

Spread the love

KUCHING, 4 Jun: Bisi 114 tuai bilik (KIR) ba baruh Atur Nagang Pemindah Diteritka Agi (PKPD) di pelilih menua Sri Aman nerima bantu bakul pemakai.

Penerima bantu pemakai tu mungkur 6 buah rumah panjai ngambika ulih ngelempungka tating peranak ti tekeruga ketegal  PKPD.

Menteri Muda Pengelantang Komuniti, Datuk Francis Harden Hollis madah, bantu pemakai tu inisiatif palan servis komuniti ADUN Simanggang nengah kerejasama raban nembiak enggau orang indu Parti Sa’Ati Rayat Sarawak (SUPP) Pampang Simanggang ti gerah ati deka mantu meri barang pemakai ngagai sida.

“Bantu bakul pemakai diberi dikena ngelempungka tating [eranak ti tekeruga ba baruh PKPD ” ku iya.

Entara rumah panjai ke nerima bantu tu iya nya Rumah Panjai Nanga San, Rumah Panjai Beleti, Rumah Panjai San Demam, Rumah Panjai San Deman, Rumah Panjai Siga enggau Rumah Panjai Tekalong.

Sebedau tu, SUPP Pampang Simanggang udah meri bantu pemakai ngagai rumah Rebi Stumbin enggau Rumah Mara Gran  ti diteritka PKPD ketegal bisi kes dirampit Covid-19 ba genturung pendiau nya.

Tags: #ib, iban

Join our social media channel to get our news Alerts and highlights.

Leave a Reply

Your email address will not be published.