Kedai Bup Dipelaba Buka Ba Fasa Kedua

Spread the love

Perintah deka berundingka ngemendarka muka kedai bup enggau perengkaguna kena nulis dibuka ba fasa kedua maya atur nagang pemindah penuh dikena ngelempungka pengawa proses ngajar enggau belajar di rumah (PDPR).

Menteri Kanan (Pengelikun Menua) Datuk Seri Ismail Sabri Yaakob, madahka, pekara sentang deka nenduka pekara tu deka diperunidngka ba aum sehari tu sebedau penerang tu dipansutka ba minggu baru.

“Naka ka diatu ba fasa keterubah, agi ditutup kedai bup, kedai komputer enggau ke bukai tang dipelabaka ila bisi penendu deka diberi fasa kedua.”

Nengah pengawa atur nagang pemindah ti dipejalaika kenyau 1 jun ti udah entara pengawa ti dikemendarka beoperasyen iya nya restaurant, kedai enggau kedai makai, dobi (nyengkaum pengawa ngelayan diri empu), kedai nyaga enggau utai pakai jelu, kedai cermin mata enggau barang optik, kedai hardware (barangan logam), bengkel entukar, kereja ngemanahka enggau perengka ganti, e-dagang (semua kategori produk) sereta pengawa meli enggau ngidar (semua kategori produk servis ti dpinta aja).

Tags: #ib

Join our social media channel to get our news Alerts and highlights.

Leave a Reply

Your email address will not be published.