PENJANA KPT-CAP NYENDIAKA PELUANG GAWA

Spread the love

KUALA LUMPUR: Bisi 87 program Pelan Jana Semula Ekonomi Menua (PENJANA), Opis Menteri Pelajar Tinggi – Career Advancement Programme (PENJANA KPT-CAP) enggau ungkus RM34.8 juta udah dikemendarka naka 3 November nyin tadi.

Ngambi ripot ari BH Online, Menteri Pelajar Tinggi, Datuk Seri Dr Noraini Ahmad madahka, program nya meri pemaik ngagai 7, 596 iku graduet  enggau abis nadai 80 peratus tauka 6, 077 iku graduet deka bulih endur gawa.

“Tiga batang program dilangkar ba baruh PENJANA KPT-CAP iya nya ‘Program Pemadanan dan Penempatan Pekerjaan’, ‘Program Berterusan Keusahawanan’ enggau program ti bepelasarka ekonomi gig.”

Entudi ke nya, iya madahka program bepelasarka latih pengelandik timpuh pandak enggau sedang tu dipelabaka meri penguntung enggau nilai tambah ngagai 20, 000 iku graduet.

Iya bejaku munyi nya lebuh nyaut tanya Datuk Seri Shamsul Iskandar Mohs Akin (PH-Hang Tuah Jaya) maya sesyen Waktu Pertanyaan Menteri (MQT) di Dewan Rakyat, maya Hari Empat.

Ku Noraini madah, KPT chakah ngenegapka kolaborasyen enggau perintah negeri nengah program [email protected] ti nyendiaka endur gawa di serikat ba baruh perintah negeri enggau timpuh minimum kunterik pengalama 12 bulan sereta dipelaba meri pemaik ngagai 4, 200 iku graduet.

Kelimpah ari nya, program [email protected] dipejalaika nagit 2, 800 iku graduet ti bisi ati deka nyadi orang dagang.

Tags: #ib

Join our social media channel to get our news Alerts and highlights.

Leave a Reply

Your email address will not be published.