RM595.25 Juta Bayar Duit Jali Ba Timpuh Nangguh Mayar PTPTN

Spread the love

KUALA LUMPUR: Gerempung Wang Turu Pelajar Tinggi Menual (PTPTN) ngerikodka penyampau bayar duit jali iya nya RM595.25 juta ari 422,609 iku peminjau maya timpuh nangguh mayar pulai baru duit pinjau nya kenyau bulan Mac nyentuk bulan nyin tadi.

Ngambi ripot ari Berita Harian, Ketuai Eksekutif nya, Ahmad Dasuki Abdul Majid muji inisiatif peminjau ti seruran komited mayar pulai baru duit jali nya taja diberi peluang nangguh mayar baka ke udah dipadah perintah sebedau tu.

Nangkanka nya, penyampau bayar duit PTPTN ti diterima dalam bulan Oktober iya nya RM103.03 juta ti ngerikodka nambah nyentuk 173.65 peratus dibanding April nyin tadi iya nya RM37.65 juta.

“Nyentuk Oktober, bisi 422,609 iku peminjau tauka 28.17 peratus ari 1.5 juta semua peminjau ti patut mayar pulai baru PTPTN milih deka neruska bayar nya.

 “ Tu ngayanka peminjau PTPTN endang bebendar deka mayar pulai baru duit pinjau sida tajapan napi pemar ketegal pandemik COVID-19.

Pengawa nangguh mayar pulai baru duit jali PTPTN meri pemaik ngagai 1.5 juta peminjau enggau penyampau semua anggar bayar duit jali PTPTN nya RM1.13 billion ari bulan Mac nyentuk Disember tu.

Tags: #ib

Join our social media channel to get our news Alerts and highlights.

Leave a Reply

Your email address will not be published.